Şəkinin veb-ensiklopediyasının təqdimat mərasimi 1 dekabr 2013-cü il tarixində “Sheki Palace” otelində keçiriləcəkdir

"Hədəf" veb-studiyası ilə "S Group" Reklam və Dizayn Xidmətlərinin birgə proyekti olan Şəkinin veb-ensiklopediyasının təqdimat mərasimi 1 dekabr 2013 cü il tarixində “Sheki Palace” otelində təşkil olunacaqdır.    Veb-ensiklopediyanın yaradılmasında əsas məqsəd Azərbaycanın qədim diyarı olan Şəkiyə dair əhəmiyyətli məlumatları, o cümlədən burada dünyaya göz açmış, fəaliyyət göstərmiş görkəmli şəxslər haqqında məlumatları  toplamaq və internetə yerləşdirməkdir.     Təqdimat mərasiminin  “Kanal S”  yerli televiziya kanalı vasitəsi ilə yayımlanması,  mərasiminin sonunda isə Şəkinin veb-ensiklopediyasına mənəvi dəstək olmuş  şəxslərin veb-ensiklopediyanın təsisçiləri və redaksiya heyəti üzvləri tərəfindən mükafatlandırılması nəzərdə tutulur.      Yeri gəlmişkən, əlavə edək ki, Şəkinin veb-ensiklopediyası  www.sheki.tv, www.sheki.biz və www.sheki.name  ünvanlarında fəaliyyət göstərəcəkdir. Veb-ensiklopediyanın Feysbuk sosial şəbəkəsində də səhifəsi var.