Son əlavələr


Şəki rayon məhkəməsinin hakimi Elçin Mehdiyevin "şirinlik"lə qərar qəbul etməkliyi

17 May 2018 14:00 tarihinde Aydin Salis tarafından yayınlandı   [ 18 May 2018 04:54 güncellendi ]

"İpəkçi"yə müraciət edən Şəki şəhər sakini Eldar Bəlyar oğlu Zakirov bildirir ki,

2001-ci ildə  ev almaq məqsədi ilə  bir nəfərə 500 dollar verib. Lakin alqı-satqını rəsmiləşdirmək mümkün olmayıb. Bundan sonra düz 17 ildir ki məhkəmələrdə sürünür, 4 dəfə məhkəmə olub, amma verdiyi pulu geri ala bilmir ki, bilmir. Çünki Azərbaycanda məhkəmə iddiasının təmin olunması üçün hakimə pul vermək lazımdır, pul verməsən, heç bir "özünə hörmət edən" hakim sənin iddianı təmin etməz...

1-2 ay əvvəl isə Şəki rayon məhkəməsinə yenidən müraciət edib. Hazırlıq iclasında hakim Elçin Mehdiyev cavabdehdən soruşub ki, bu kişidən 500 dollar almısanmı? Cavabdeh deyib bəli. Soruşub niyə qaytarmırsan? Cavabdeh deyib imkanım yoxdur. İclasdan sonra hakimin köməkçisi  ona yaxınlaşıb deyib ki, 500 dollarını geri alsan hakimə nə qədər verəcəksən? Telefon nömrəsini də verib ki görüşək  bu məsələni həll edək. Amma  o,  deyilən  vaxtda zəng etmir... 

17 may tarixdə 15.30-da 5 dəqiqəlik məhkəmə olub.  Hakim gedib müşavirə otağına 1 dəqiqədən sonra qayıdıb qərarını elan etdi ki, pulumu geri almaq barədə iddiası təmin olunmasın. 

Eldar  Zakirov əlavə edir  - harada görünüb ki, belə hallarda verilən pul geri qaytarılmır? Hansı hüquqi-nöqteyi nəzərdən? Bəlkə hakim  Elçin Mehdiyev məni xeyriyyəçi hesab edib? Aydındır ki məndən "şirinlik" ala bilməyəcəyini görən hakim cavabdehdən azı 100-200 manat alıb, onun xeyrinə qərər çıxarıb.
-
Şəkildə Şəki rayon məhkəməsi hakimi Elçin Mehdiyev. Bu hakim 2 il əvvəl məhkəmə prosedur qaydalarına zidd olaraq Şəkidə fəaliyyət göstərməyən  Legion.az  Qafqaznews.az  saytlarına qarşı iddianı icraata götürmüşdür. Bu açıq-aşkar qanun pozuntusu idi. Bəs qanunu pozmaqda Elçin Mehdiyevin marağı nə olub? 100-200 manat - cənab Məntiq yalnız bunu deyir.

Biz Şəki rayon məhkəməsi hakimi Elçin Mehdiyevin köməkçisi ilə telefon əlaqəsi saxlayıb qərardan əvvəl onun iddiaçı Eldar  Zakirov ilə sövdələşməyə cəhd etdiyini vurğuladıq. Heç bir etirazı olmadı, təkzib etməyə  çalışmadı. Onda məsələni ictimailəşdirəciyimizi bildirdik. Əlavə etdik ki hakimin qərarının heç bir hüquqi əsası ola bilməzdi, ən azından iddianı qismən təmin etməli idi. Yəni iddiaçının 500 dollarının geri qaytarılmasına qərar verməli idi.  Görünür ki,  Elçin Mehdiyev cavabdehdən 100-200 alıb və iddianı təmin etməyəcəyinə boyun olubmuş.  

Onu da əlavə edək ki,  "Elektron məhkəmə sistemi"ndə bu məhkəmə haqqqında heç bir məlumat yerləşdirilməyib. Eldar Bəlyar oğlu Zakirovun iddia ərizəsi isə aşağıdakı məzmunda olub:



Şəki Rayon Məhkəməsinin sədri
Ceyhun Əhmədov cənablarına
İddiaçı:
Zakirov Eldar Bəlyar oğlu
(Şəki şəhəri, Çexov küçəsi,    ev 63 )
Cavabdeh:
Gülməmmədova Sevdayə İsmayıl qızı
(Şəki şəhəri, Ba]banlar küçəsi,    ev 59V )

Ev almaq üçün ödədiyim pulun bugünki bazar qiymətlərinə uyğun şəkildə geri qaytarılması üçün
İDDİA ƏRİZƏSİ

2001-ci ildə  Şəki şəhəri,  M.Ə.Rəsulzadə küçəsi, 255 saylı ev mərhum Gülməmmədov Niymət Abuzər oğlunun xüsusi mülkiyyətində idi. Evin 2 sot həyəti və 12 kv m yaşayış sahəsi vardı.   2001-ci ildə mərhum həmin evi mənə satmaq istəyib.  Mən həmin evi  1-ci qrup əlil olan oğlum Məmmədzadə Rahim  üçün  almaq istədim. Həmin evdə qeydiyyatda olan bütün şəxslər də evin bizə satılmasına notarial qaydada razılıq verdilər, evin sənədlərini də bizə verdilər.  Oğlum Məmmədzadə Rahim Eldar oğlu  həmin  evə pasport qeydiyyatına düşdü. Əvəzində isə mən  onlara 500 dollar ödədim.  Evə görə 500 dollar ödəməyim 2002-ci il məhkəmə qətnaməsində (İş  №  2-330)  göstərilir. 

Lakin o vaxt alqı-satqını notarial qaydada təsdiqlətmək mümkün olmamışdır. Belə ki Notariat Konturu evini satan Gülməmmədov Niymət Abuzər oğlunun psixi xəstə olduğunu əsas götürərək alqı-satqını təsdiqləmədi.  2005-ci ildə mərhumun həyat yoldaşı Gülməmmədova Sevdayə İsmayıl qızı notarial qaydada iltizam vermişdir ki əri həmin evi mənə 500 dollara satıb. Ərinin ruhi xəstə olmasına görə alqı-satqının rəsmiləşdirilməsi mümkün olmadığına görə iltizam verir ki, o əgər vəfat edərsə həmin evə iddialı olmayacaq. Eyni məzmunda məzmunda mərhumun oğlu Gülməmmədov Vidadi Niymət oğlu və qızı Abdullayeva Yeganə Adil qızı da  notarial qaydada iltizam vermişlər və vurğulamışlar ki, həmin evi atası mənə 500 dollara satıb. 

Gülməmmədov Niymət Abuzər oğlunun vəfadından sonra isə  eşitdiyimə görə indi evi  başqa bir şəxsə satıblar. Buna baxmayaraq hələ də evə görə ödədiyim 500 ABŞ dolları isə mənə geri qaytarılmayıb.  Əgər mənim oğlum həmin evdə pasport qeydiyyatındadırsa, onun razılığı olmadan evi necə sata biliblər? Və mənim pulumu niyə qaytarmaq istəmirlər?
Bütün  bunlardan sonra 
Xahiş edirəm

1.2001-ci ildə Şəki şəhəri keçmiş  M.Ə.Rəsulzadə küçəsi, 255 saylı ev  ünvanında Gülməmmədov Niymət Abuzər oğlunun xüsusi mülkiyyəti olmuş evi satın almaq üçün ödədiyim 500 dollar bügünki bazar qiymətlərinə uyğun olaraq cavabdehdən alınaraq mənə geri qaytarılsın. Belə ki aradan keçən 17 il ərzində mənzil və daşınmaz əmlak bazarında qiymətlər azı 10 dəfə  artıb. Bu nöqteyi nəzərdən cavabdehdən birinci qrup əlili olan oğlum üçün 5 min manat istəyirəm.  Bu məbləğdə pula indi evsiz qalmış oğlum üçün heç olmasa kəndlərdə ev ala bilərəm.
2. Oğlum həmin evdə pasport qeydiyyatında olduğu halda onun razılığı  olmadan həmin evin satılması məsələsinə aydınlıq gətirilsin.

İmza:                                                        Eldar Bəlyar oğlu Zakirov
                           30.03.2018

Tel.:  024 244 63 49;  077 527 00 38





Nisyə dəftəri

19 Nis 2018 13:26 tarihinde Aydin Salis tarafından yayınlandı   [ 19 Nis 2018 13:44 güncellendi ]


Küçədə vaxtından tez qocalmış Yavər kişi ilə rastlaşdım. Zarafatla dedim ki, nə olub nə tez belin əyilib. Dərindən nəfəs alan Yavər kişi qeyd etdi ki, zəmanənin üzü qara olsun bizi bu vəziyyətə saldığına görə. Necə qocalmayım xəstə adamam aldığım 160 manat pensiyanı dərmana verim, yoxsa kommunal xərclərə və yaxud ərzağa yaxşı ki, məhəllə dükanı nisyə ərzaq verir. Yoxsa acından ölərik. Elə ki, pensiyanı alırıq təcili dükana qaçıb nisyəni bağlayırıq ki, gələn pensiyaya qədər nisyə ərzaq ala bilək. Kommunal xərclər də ki, öz yerində hansının pulunu ödəməsən gəlib kəsirlər, indi deyirsən niyə qocalmısan? Hələ yaxşı ki, ölməmişəm, iki-üç il bundan öncə babat idik, elə ki, dollar qalxdı, batdıq. Elə bil bunu gözləyirdilər, təcili ərzaq məhsullarının qiymətini qaldırdılar. Hələ bu azmış kimi dövlət də qazın, işığın qiymətlərini qaldırdı. Heç xalqı nəzərə almadılar. Elə burdan da inflyasiya başladı.



Əli  Məsimov Millət vəkili:
Rəsmi statistikaya görə bizdə yoxsulluq 5-6 %-dir. Şəki-Zaqatala zonasını götürmüşəm, ayda 250-300 manat gəliri olan ev təsərrüfatları 10%, 300 manatdan artıq olanlar da 10%, 173 manata qədər olanlar isə 30% təşkil edir. Deməli biz yaşayış minimumuna və ehtiyac meyarına həssas yanaşmalıyıq. "Yaşayış minimumu haqda" qanunda kateqoriyalar göstərilir. Ölkə üzrə 173 manat, əmək qabiliyyətli əhali üçün 183 manat, pensiyaçılar üçün 144 manat, uşaqlar üçün 154 manatdır.
Nazirlər kabinetinin qərarı ilə təsdiq edilmiş minimum istehlak səbəti üzrə əsas növ ərzaq məhsullarının illik istehlak normalarına əsasən, orta hesabla bütün əhalinin hər nəfəri üçün, aşağıdakı  cədvəldə göstərilən ərzaq nəzərdə tutulub.




Cədvəldə göstərilən ərzaqların miqdarı insanın ölməməsi üçün nəzərdə tutulub.

İndi deyin görək, 160 manat pensiya alan xəstə bir adam yaşamaq üçün nə etməli, aldığı pensiyanı ərzağa xərcləməli yoxsa digər xərcləri ödəməlidir?
İndi deyin görək, bu Yavər kişi necə vaxtsız qocalmasın, beli əyilməsin. Yaxşı ki,məhəllə dükanlarında nisyə dəftəri var. Heç olmasa insanların əksəriyyəti bu dəftərdən istifadə edir.

Sadıq Fətəliyev






Hindistanlı Məhəmməd Muzammil niyə Şəkidən əliboş qayıtdı və niyə ipəyi və ipək parçanı başqa ölkədən aldı?

15 Nis 2018 12:40 tarihinde Aydin Salis tarafından yayınlandı   [ 29 Nis 2018 11:32 güncellendi ]

Hindistan ipək istehsalına görə dünyada ikinci olsa da,  həm də ipək idxalına görə də birincidir.  Məhəmməd Muzammil isə Hindistanda  ipəkçilik üzrə ixtisaslaşmış  
Mainline Enterprises şirkətin meneceridir. Bir müddət əvvəl internet üzərindən bizimlə əlaqə saxlayıb  Azərbaycandan ipək almaq niyyətində olduğunu bildirmişdi. Aidiyyəti olan şəxslərin telefon nömrələrini verdik, onlarla danışdı. Sonra bizə dedi ki, vallah, deyəsən, mən onları başa düşmürəm. Çünki dedikləri qiymət Hindistandan iki dəfə bahadır. Təklif etdik ki Azərbaycana gəlsin, hər şeyi öz gözü ilə görsün. Elektron viza alması üçün Azərbaycan Xarici İşlər nazirliyi  saytının linkini də göstərdik. Viza aldı və martın 11-də Azərbaycana gəldi.

Onu apardıq "Azərbaycan Sənaye Korporasiyası" ASC-nin ofisinə. Bizi hörmətlə qarşıladılar, "Şəki-İpək" ASC-nin rəhbərliyinə zəng edib tapşırdılar ki, anbarlarda olan bütün malı ona göstərsinlər, hansını satın almaq istəyirsə özü üçün qeyd etsin, sövdələşmə isə "Azərbaycan Sənaye Korporasiyası" ASC-nin ofisində baş tutacaq.

Şəkiyə axşam saat 17:00 radələrində çatdıq. Muzammili hörmətlə qarşıladılar və hotelə yerləşdirdilər. Sabahı gün anbarlarda olan malları göstərdilər, birisi gün isə Özbəkistana yola saldılar. 

Muzammil Özbəkistandan sonra Şanxaya getdi, sonra qayıtdı Hindistana. Sonra yenidən gəldi Özbəkistana ipək amağa. 1 kq-ı 53 dollara ipək  alıb göndərdi Hindistana. Sonra getdi Çinə - ipək parça almağa. Aprelin 15-də bizə yazdı ki, Şəkidə 8,5 dollara təklif edilən parçanı Çində 5.9 dollara aldım. 

Yuxarıda qeyd etdik ki, biz  "Azərbaycan Sənaye Korporasiyası" ASC-nin öfisində olarkən "Şəki-İpək" ASC-nin rəhbərliyinə zəng edib tapşırmışdılar ki, anbarlarda olan bütün malı ona göstərsinlər, hansını satın almaq istəyirsə özü üçün qeyd etsin, sövdələşmə isə "Azərbaycan Sənaye Korporasiyası" ASC-nin ofisində baş tutacaq. Lakin hansısa səbəbdən Muzamilin yenidən "Azərbaycan Sənaye Korporasiyası" ASC-nin ofisinə getməsi təmin edilmədi. Ona Hindistana aparması üçün isə yalnız ötən il bir iranlı iş adamının sifarişi əsasında toxunmuş, lakin sonda alınmamış qeyri-standart bir xam parçanın nümunələri və ipək iplik verildi. Muzammilin dediyinə görə həmin nümunələri Hindistanın bəzi toxuculuq müəssisələrinə göndərib, təklif edilən qiymətə heç kim razılaşmayıb, sonradan təkrar sorğu göndərib ki,  "bəs siz bu malı neçəyə almaq istəyirsiniz?". Cavab bu olub həmin parça Hindistan standartlarına uyğun deyil ipək iplik isə çox baha təklif edilir. 

Sonda məlumat üçün onu da əlavə edək ki, regionun ən böyük sənaye müəssisəsi olan Şəki ipək kombinatının istehsal etdiyi parçaya müştəri olmadığına görə bu il fevral ayının 1-dən etibarən orada istehsal tam dayandırılmış, işçiləri isə öz hesablarına məzuniyyətə göndərilmişdir (bax: “Şəki-İpək” ASC-nin bəzi istehsalat və sexləri heç işə düşmədi, işə düşənləri isə dayandı...). 

Aydın Məmmədov



11 aprel prezident seçkisi - rəy sorğumuz və exit-polların nəticələri

11 Nis 2018 17:57 tarihinde Aydin Salis tarafından yayınlandı   [ 14 Nis 2018 07:04 güncellendi ]

Azərbaycanda keçirilən prezident seçkisində seçici fəallığı ilə bağlı ilkin yekun nəticə açıqlanıb. MSK Katibliyinin Seçkilər İnformasiya Mərkəzinin müdiri Fərid Orucov deyib ki, saat 19:00-a qədər 5 milyon 314 min 365 seçicidən 3 milyon 959 min 553 nəfəri səs verib. Onun vurğulamasına görə, seçkidə 74,51 faiz seçici iştirak edib. Bu Azərbaycan əhalisinin 39,5 faizi deməkdir.

Səsvermə saat 19:00-da başa çatıb.

Prezident seçkisində “exit-poll” keçirdiklərini bildirilən qurumlar da öz növbələrində nəticələri açıqlayıblar

Seçki ərəfəsində "İpəkçi" qəzeti də rəy sorğusu keçirmişdir.


Adı  İlham Əliyev  Zahid Oruc Sərdar Cəlaloğlu   Qüdrət Həsənquliyev   Hafiz Hacıyev  Araz Əlizadə Fərəc Quliyev  Razi Nurullayev 
 “ELS” Müstəqil Araşdırmalar Mərkəzi  82,71 %
1-ci yer 
3,37 %
4-cü
 yer
3,56 %
3-cü
 yer 
4,23 %
2-ci
 yer 
 2,1 %
5-ci
 yer
 1,87 %
6-cı
 yer
 1,33 %
7-ci
 yer
 0,92 %
8-ci
 yer
 Fransanın “Opinion Way” Tədqiqatlar İnstitutunun “Vətəndaş Cəmiyyəti Uğrunda” Müstəqil Məsləhət və Yardım Mərkəzi ilə birgə  86,53 %
1-ci yer
 2,92 %
7-ci 
yer
2,81 %
6-cı 
yer
 3,10 %
2-ci  
yer 
 1,73 %
4-cü 
yer
 1,21 %
3-cü
 yer
 1,03 %
5-ci
 yer
 0,67 %
8-ci
 yer
 ABŞ-ın "Artur J.Finkelstein and Associates” (AJF) təşkilatının yerli Vətəndaşların Əmək Hüquqlarını Müdafiə Liqası ilə birgə
 85,57 %
1-ci
 yer
 2.92 %
3-cü
 yer
2.48 %
4-cü
 yer
2.96 %
2-ci
 yer 
 1.76 %
5-ci
 yer
 1.42 %
6-cı
 yer
  1.52 %
7-ci
 yer
 1.37 %
8-ci
 yer
 "Rəy" Monitorinq Mərkəzi  84,49 %
1-ci
 yer
 3.21 %
3-cü
 yer
3,04 %
4-cü
 yer 
 3.72 %
2-ci
 yer 
 1,57 %
6-cı
 yer
 1.65 %
5-ci
 yer
 1.46 %
7-ci
 yer
 0.86 % 
8-ci
 yer
 "İpəkçi" qəzeti  85,18 %
1-ci yer

3-8-ci
 ylər
7,4
2-ci yer



3-8-ci
 yerlər 


3-8-ci
 yerlər

3-8-ci yerlər
 
3-8-ci yerlər
 
3-8-ci yerlər
 Rəsmən (MSK)
12 aprel 04:00
86,00%
1-ci yer 
3,11%
2-ci yer 
3,02% 
4-cü yer
3,04% 
3-ci yer
1,51%
5-ci yer 
1,39% 
6-cı yer
1,18%  
7-ci yer
0,75% 
8-ci yer
 Rəsmən (MSK)
13 aprel 22:00
86,03%
1-ci yer 
3,11%
2-ci yer 
3,03% 
3-cü yer
3,02% 
4-cü yer
1,52%
5-ci yer 
1,38% 
6-cı yer
1,17%  
7-ci yer
0,74% 
8-ci yer




İlham Əliyev: Əgər bu il biz 450-500 ton barama tədarük etsək, əminəm, Şəki ipək kombinatı, ola bilər ki, ilboyu fasiləsiz işləsin

9 Nis 2018 10:55 tarihinde Aydin Salis tarafından yayınlandı   [ 9 Nis 2018 12:13 güncellendi ]

Aprelin 9-da Prezident İlham Əliyevin sədrliyi ilə Nazirlər Kabinetinin 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.

Dövlətimizin başçısı giriş nitqində  respublikada baramaçılığın inkişafı və Şəki İpək kombinatının gələcəyi ilə bağlı bunları demişdir: 

Barama istehsalı. 2015-ci ildə 240 kiloqram barama tədarük olunmuşdusa, 2017-ci ildə bu rəqəm 240 tona qalxdı. Bu il biz təqribən 450-500 ton barama gözləyirik. İlk növbədə, bu da mənim üçün sosial layihədir. Çünki kümçülər indi az müddətdə - 30-40 gün ərzində böyük vəsait qazanırlar və Şəki ipək kombinatında yüzlərlə insan işlə təmin edilir. Əgər bu il biz 450-500 ton barama tədarük etsək, əminəm, Şəki ipək kombinatı, ola bilər ki, ilboyu fasiləsiz işləsin və xammal da kifayət qədər olacaq. Yüzlərlə insan Şəkidə işlə təmin edilir və bir çox rayonlarda pul qazanır.


Mənbə:Azərbaycan Respublikası Prezidentinin rəsmi internet saytı. >>

Şəki İpək kombinatının əmək kollektivi 11 aprel prezident seçkisinə işsiz, sosial təminatsız və ağır maddi durumda, lakin ümidlə gedir

8 Nis 2018 12:12 tarihinde Aydin Salis tarafından yayınlandı   [ 14 Nis 2018 06:34 güncellendi ]


Məlum olduğu kimi, 1931-ci ildə fəaliyyətə başlamış Şəki İpək kombinatı bu gün də regionun ən böyük sənaye müəssisəsi olaraq qalır.

Lakin xəbər verdiyimiz kimi, fevralın 1-dən etibarən Şəki İpək kombinatının həmin vaxta qədər işləməkdə olan bütün  istehsalat və sexlərinin işçiləri öz hesablarına, "öz xahişləri ilə" ikiaylıq məzuniyyətə göndərilmişlər.

Son illər ölkədə ipəkçilik sürətlə inkişaf edir, birbaşa Prezidentin göstərişi və qayğısı ilə baramaçılıq bərpa edilib, 2016-cı ildə birdən birə 71 ton, 2017-ci ildə 244 ton yaş barama yetişdirilib və cari il üçün azı 300-400 ton yaş barama yetişdiriləcəyi gözlənilir. O cümlədən "Şəki-İpək" ASC-yə dövlət tərəfindən bir neçə dəfə irihəcmli pul yardımı göstərilib və  dövlət kombinatın istənilən problemini həll etməyə hazırdır. "Şəki-İpək" ASC rəhbərliyi baramaya subsidiya istədi, dövlət subsidiya da ayırdı, lakin yenə kombinatı işlədə, ölkə  prezidentin etimadını doğrulda bilmədilər, prezident seçkisi ərəfəsində kombinatın əmək kollektivini ağır maddi duruma salaraq işsizlər ordusuna çevirdilər.  

Prezidentimiz 29 yanvar tarixdə Regionların 2014-2018-ci illərdə sosial-iqtisadi inkişafı Dövlət Proqramının icrasının dördüncü ilinin yekunlarına həsr olunmuş konfransda  demişdir ki "əminəm ki, 1-2 ilə Şəki ipək kombinatı tam - sovet vaxtındakı gücü ilə işləyə bilər" ASC İdarə heyətinin sədri Nizami Qəribov  isə Azərbaycan Sənaye Korporasiyası ASC-nin 7 fevral müşavirəsində əsas problemləri bir kənara qoyaraq yun istehsal etmək niyyətində olduğunu açıqlayıb və bu xəbər mediaya elə ötürülüb ki, guya Şəki İpək kombinatı doğrudan da yun istehsalına başlayacaqdır (bax: "Şəki İpək" yun istehsalına başlaya bilər). 

Artıq iki aydan çoxdur ki, kombinatın fəaliyyəti faktiki olaraq tam dayanıb, istehsal yoxdur, amma başda "Şəki-İpək" ASC İdarə heyətinin sədri  olmaqla 15-20 nəfər baş nazirin maaşına bərabər, yaxud buna yaxın məbləğdə əməkhaqqı almaqda davam edirlər. Onların maaş almaları, daha doğrusu özlərinə maaş yazmaları, özü də yüksək məbləğdə, bu bizi əsla təəccübləndirmir. Bal tutan barmaq yalayar deyiblər, çox uzağı hazır məhsulun maya dəyəri  bir qədər də yüksələcək, bu halda aydındır ki satılmayacaq, anbarda yığılıb qalacaq. Anbarda isə hələ yer var, problem yoxdur.  Problem budur ki, "öz xahişləri ilə" məzuniyyətə göndərilən aztəminatlı işçilərin, onların ailələrinin  nə yeyib-içdikləri ilə heç kim maraqlanmır. Bu adamların maaşları aylıq təminatlarını zorla ödəyirdi, aylarla işsiz qalanda bəs nə yeyəcəklər?  Məlumat üçün əlavə edək ki, ötən il Şəkidə yalnız bir nəfərə işsizliyə görə müavinət verilib.  

15 yanvarda isə kombinatın baramaaçan istehsalatının 250 nəfər işçisi növbəti barama mövsümünün başlanmasına qədər, yəni iyun ayınadək, pambıq əyirici sexin işçiləri isə isə ötən ilin aprelindən qeyri-müəyyən müddətə öz hesablarına, "öz xahişləri ilə" məzuniyyətə göndərilmişdilər.

Xalça sexi isə bir neçə ildir ki  işləmir.  Daha əvvəl yazdığımız kimi, kombinatdakı "xalça sexi fəaliyyətə başlayanda xalçanın 1 m2-i 400 dollara başa gəlmişdi və dünya bazarında İranın Qum şəhərinin, Türkiyənin Bursa şəhərinin məşhur ipək xalçaları ilə rəqabətə davam gətirə bilərək satılırdı. Sonra  "Şəki-İpək" ASC-nin bütün inzibati xərclərini atdılar xalçanın üstünə, xalçanın 1 m2-nin qiyməti oldu 1400 dollar, alan olmadı, anbarlarda yığılıb qaldı, satılmadı". 

Pambıqəyirici sexin  işləməməsinin səbəbini isə "Şəki-İpək" ASC rəhbərliyi "pambıq dövlətə məxsusdur, dövlət bu il pambıq vermədi bizə" deyə izah edirdi. Prezidentə müraciətimizdən sonra "Şəki-İpək" ASC üçün 1209 ton mahlıc ayrıldı (bax: Zənnimizdə yanılmadıq, "İpəkçi"nin müraciətinə İlham Əliyev müsbət cavab verdi ). Hal-hazırda mahlıcın Şəki ipək kombinatına daşınması davam edir. Aprelin sonuna qədər pambıqəyirici sex fəaliyyətə başlaya və bundan sonra sentyabradək  işləyə bilər.  

Pambıqəyirici sexin illik gücü isə 3 min ton mahlıcdır. Cəmi 50-60 işçisi var, maaş azdır, 160-170 manat. Burada əsasən 20 və 34 nömrəli iplik əldə edilir. 20 nömrəli ipliklə corab, 34 nömrəli ipliklə isə kobud parça, məsələn bez toxunması mümkündür. Əldə edilən ipliyin hamısı xaricə satılır. 34 nömrəli ipliklə vaxtilə Şəki İpək kombinatında da pambıq parça istehsal edilib, lakin alan olmadı, kombinatın anbarlarında 50 min metr pambıq, 100 min metr isə ipək parça  yığılıb qalıb. 2017-ci il üçün Azərbaycanın xaricə mahlıc ixracında 2016-cı ilə nisbətən xeyli artım olsa da,  pambıq ipliyi ixracında 2016-cı ilə nisbətən 1 milyon dollar məbləğində azalma baş verib. Bu azalma birbaşa Şəki ipək kombinatındakı pambıqəyirici sexin 2017-ci ilin aprelindən işləməməsi ilə əlaqəli görünür. Nə baş verib? Mahlıc xaricə satılıb, amma Şəki İpək kombinatına verilməyib  və bu səbəbdən də 50-60 nəfər işsiz qalıb. Görünür burada istehsal olunan ipliyin maya dəyəri o qədər yüksək olur ki,  dövlət buna görə bura mahlıc vermək istəmir, daha çox mahlıcı xaricə satmağa üstünlük verir.

Ötən il "Şəki-İpək" ASC subsidiya sayəsində çox sərfəli qiymətə - 1 kq-nı 4 manata 244 ton yaş barama alsa da əldə etdiyi ipəkdən tam istifadə edə bilməyib, anbarında həm də  5-6 ton xam ipəyi hələ də qalıb. Bu nöqteyi-nəzərdən,  cari mövsümdə proqnozlaşdırıldığı kimi kombinata 450-500 ton yaş barama gətiriləcəksə, əldə ediləcək ipəyin üçdə ikisini xaricə satmaqdan başqa yol qalmır, - əgər təlabata uyğun parça istehsal edə bilməyəcəklərsə. Amma məsələ buradadır ki, baramaya dövlət tərəfindən verilən subsidiya  nəzərə alınmazsa burada ipəyin 1 kq-ının maya dəyəri 70 dollara yaxındır, xaricilər isə bizim ipəyə bu gün cəmi 50 dollar təklif edirlər. Əgər cari barama mövsümündə əldə ediləcək ipəyin üçdə ikisi xaricə satılarsa, bu o demək olacaqdır ki, dövlətin barama istehsalına ayırdığı subsidiya, Azərbaycanın yox, xarici ölkələrin toxuculuq sənayesinə yönəlir. 

O ki qaldı baramaçılığın inkişafına, obyektivlik üçün bir məsələni xüsusilə unutmaq olmaz: 2001-ci ildə kombinat Prezidentin ehtiyat fondundan ayrılmış vəsaitlə, özü də indikilərlə müqayisədə çox cüzi görünən bir məbləğdə pul yardımı ilə işə düşmüş, sovet dövründə yetişmiş mütəxəssislərin fədakarlığı sayəsində cəmi 3 ilə barama istehsalı 0-dan 133 tona çatmış, müəssisədə 2 min nəfər işlə təmin olunmuşdur (bax: Bəs 50 milyon hara getdi?! )... İndi isə  baramaaçılıqda təşkilati işlərin hamısını Kənd Təsərrüfatı Nazirliyi, yerli icra hakimiyyətləri və digər qurumlar həyata keçirirlər, bu işlərin "Şəki-İpək" ASC-yə heç bir qatışacağı yoxdur. "Şəki-İpək" ASC-nin işi yerlərdə yetişdirilmiş yaş baramanı öz qapısında kq-nı 4 manata satın almaqla bitir. Dövlət isə kümdarlara yetişdirdikləri baramanın hər kq-na 5 manat subsidiya ödəyir. 

P.S. Şəki İpək kombinatının əmək kollektivi 11 aprel prezident seçkisinə işsiz, sosial təminatsız və ağır maddi durumda, lakin ümidlə gedir. Əmək kollektivi bilir ki kombinatın  mövcud durumu Prezidentin diqqətindən kənarda deyil, bügünki (9 aprel) Nazirlər Kabinetinin 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasda da Prezident Şəki İpək kombinatı haqqında da danışmışdır (bax: İlham Əliyev: Əgər bu il biz 450-500 ton barama tədarük etsək, əminəm, Şəki ipək kombinatı, ola bilər ki, ilboyu fasiləsiz işləsin və kombinatın əmək kollektivi əmindir ki problemlər tezliklə həllini tapacaq, işlər qaydasına düşəcəkdir.

Aydın Məmmədov

Rəy sorğumuza görə seçicilərin 85 %-dən çoxu İlham Əliyevə səs vermək niyyətindədir

5 Nis 2018 11:43 tarihinde Aydin Salis tarafından yayınlandı   [ 6 Nis 2018 12:27 güncellendi ]


"İpəkçi" qəzeti ənənəvi olaraq prezident seçkilərindən öncə rəy sorğusu keçirir.  11 aprel 2018-ci il tarixdə baş tutacaq  növbəti prezident seçkisindən üç həftə əvvəl Facebok sosial şəbəkəsində başlatdığımız və seçkiyə bir həftə qalmış başa çatdırdığımız  növbəti rəy sorğusunun nəticələrinə görə səsvermədə iştirak edəcək seçicilərin 85,1851 %-i İlham Əliyevə səs vermək niyyətindədir.  7,4074 %  seçicinin səsini Sərdar Məmmədov  təkbaşına, digər 7,4074 %  seçicinin səsini isə  yerdə qalan altı namizəd birlikdə toplayacaqlar.
 
Sorğuda iştirak etmiş  opponentdən 63,513 %-i müxtəlif səbəblərdən seçkidə iştirak edə bilməyəcəyini bildirmişlər. Məlum olduğuna görə Azərbaycan Respublikası əhalisinin sayı 10 milyon nəfərə yaxındır. MSK-nın sədr müavini Natiq Məmmədovun mediaya açıqlamasına görə isə   "dəqiqləşdirilmiş vahid seçici siyahısına əsasən Azərbaycanda 5 milyon 192 min 42 səsvermə hüququ olan şəxs var". Başqa sözlə,  Azərbaycan əhalisindən 48 %-in səsvermə hüququ yoxdur. 

Rahim Namazov Fransa qəzetinə müsahibə verdi və Fransadan nə istədi?

3 Nis 2018 11:01 tarihinde Aydin Salis tarafından yayınlandı   [ 6 Nis 2018 12:26 güncellendi ]

Le réfugié politique azéri blessé par balles à Colomiers dénonce "un attentat

(Kolomersdə güllələnmiş Azərbaycanlı siyasi qaçqın «siyasi hücumu» qınayır) 


Fransada gündəlik 150 min tirajla nəşr olunan regional "Ladepeche"  qəzeti 3 apreldə Rahim Namazovdan götürülmüş müsahibəni birinci səhifədə - baş məqalə  olaraq yaymışdır

"Siz indi nə istəyirsiniz?" sualına Rahim Namazov belə cavab  vermişdir: "Mən Fransa prezidenti Emmanuel Makrona yalvarıram ki, mənə Fransa vətandaşlığı versin. Fransa arvadım Aidanın Azərbaycanda dəfn edilməsinə və başqa evdə yerləşməyimə, uşaqlarımın (16, 10 və 3 yaşlı) mənə qaytarılmasına köməklik etsin. Uşaqlarım sığınacağa yerləşdirilib və onların yerini məndən başqa heç kim bilmir."


Fransada arvadı ilə birlikdə güllələnmiş Rahim Namazov sağ-salamatdır...


Xəbər verildiyi kimi,  Fransada ailəsi ilə məskunlaşmış azərbaycanlı Rahim Namazov və onun həyat yoldaşı bir neçə gün əvvəl eyni vaxtda silahlı hücuma məruz qalmış və hər ikisi naməlum şəxs tərəfindən güllələnərək yaralnmışdır (Bax: GÜLLƏLƏNMİŞ RAHİM NAMAZOV JURNALİSTDİR YA VOR-ZAKON? >>). 

Bildirildi ki Rahim Namazovun həyat yoldaşı xəstəxanada dünyasını dəyişmişdir, özü isə ağır yaralıdır.  Bu gün  yayılan video-görüntülərdə isə onun sağlamlığının normal olduğu görünür. 

Rahim Namazov Fransa polisinin suallarını cavablandırmış, ona qarşı Azərbaycandan rəsmən iddia olunan hansısa mafiya şəbəkəsinə üzvlüyünü inkar etmiş və həyatının təhlükə altında olduğunu vurğulamışdır.

GÜLLƏLƏNMİŞ RAHİM NAMAZOV JURNALİSTDİR YA VOR-ZAKON?

31 Mar 2018 18:21 tarihinde Aydin Salis tarafından yayınlandı   [ 1 Nis 2018 03:53 güncellendi ]

Fransanın Tuluza şəhərində siyasi mühacir statusunda yaşayan, Azərbaycanda da əvvəllər "Əlillər" və "Hakimiyyət" qəzetlərinin müxbiri kimi çalışdığı bildirilən Rahim Namazov qətlə yetirilib. Fransa hakimiyyət-istintaq orqanları qətlin Rahim Namazovun jurnalist kimi peşə fəaliyyəti ilə bağlı ola bilməsini ehtimal edir.


Hətta artıq ATƏT bu barədə öz narahatlığını bildirib. Azərbaycan hakimiyyət orqanları və hakimiyyətyönlū KİV  isə məsələyə təcili reaksiya verib, 
Rahim Namazovun media -   jurnalistikaya aidiyyətsiz olduğunu sübut etməyə çalışır. Hətta Mətbuat Şurası onun sədri deputat Əflatun Amaşov səviyyəsində təcili bəyanat yayıb.

Azərbaycan tərəfi Rahim Namazovun kriminal aləmlə əlaqəli olduğunu və onun kriminal avtoritetlərlə mübahisəsi olduğunu bildirir. Qətlin də məhz kriminal qrupların qisasının nəticəsi kimi iddia edir.

Ancaq mən dəqiq xatırlayıram ki, bir neçə il öncə Rahim Namazov adlı jurnalist kimi iddia edən şəxs Naxçıvanda orduda həlak olan əsgərlərin və yanılmıramsa, hərbi hospitalda əməliyyat olunan əsgərlərin də böyrəklərinin çıxarılıb, satılması barədə xəbərlər və faktlar paylaşmışdı. Hətta bu məsələdə mütəşəkkil qrupun qanunsuz əməlləri barədə açıqlama vermişdi.

O vaxt bu məsələ mənim xüsusilə diqqətimi ona görə çəkdi ki, həmin dövrdə mən "Qara plantasiya" adlı qanunsuz insan orqanı alveri əməllərini araşdırırdım. Bununla bağlı cinayət işi başlanan Kiyevə də səfərim oldu, hansı ki, bir ucu Bakı klinikalarına gəlib çıxmışdı.

Siyasi Mühacirlərin Hüquqlarını Müdafiə Komitəsi olaraq bu məsələ barədə bizim də araşdırmamız olacaq. Çalışacağıq mərhum Rahim Namazovun nə dərəcədə media üzvü olması və bu halda bu qətlin hansı tərəfdən törədilə bilməsinə aydınlıq gətirək.

Hətta onun kriminal aləm tərəfdən qətli belə, Komitənin ilk bəyanatında göstərildiyi kimi, hakimiyyət strukturlarının lazımi an kriminal aləmlə birgə hərəkətini inkar etməyə bilər... Rafiq Tağı qətlinə də oxşarlıq var burada.

QEYD: Son məlumata görə 
Rahim Namazov ölümcül yaralıdır. Getdikləri maşında həyat yoldaşının da öldürüldüyü bildirilir.

İlqar Altay,
Hüquqşūnas-kriminalist, mūstəqil tədqiqatçı



Həmçinin, bax:   

Zənnimizdə yanılmadıq, "İpəkçi"nin müraciətinə İlham Əliyev müsbət cavab verdi

27 Mar 2018 20:55 tarihinde Aydin Salis tarafından yayınlandı   [ 27 Mar 2018 21:02 güncellendi ]

Qəzetimizin 6 fevral sayında yazmışdıq ki,

"...pambıqəyirici sex də ötən ilin aprelindən işləmir. Və azı 40-50 nəfər işsiz qalıb. Sexin fəaliyyətə başlaması üçün isə mahlıc lazımdır. Və ötən il ölkədə 200 min ton pambıq yığılıb, pambıqtəmizləmə zavodları işləyir, mahlıc var amma “Şəki-İpək” ASC mahlıc ala bilməyib. “Şəki-İpək” ASC rəhbərliyindən bizə bildirildi ki, pambıq dövlətə məxsusdur, dövlət bizə pambıq vermədi bu il. Bu barədə biz, hörmətli Prezidentimizə və İqtisadiyyat nazirimizə yazdıq, vurğuladıq ki ötən il ölkədə 200 min ton pambıq istehsal edildiyi halda nədənsə və kimlərsə Şəki ipək kombinatının mahlıc vermək istəmir, nəticədə 40-50 nəfər işsiz qalıb. Və əminik ki qısa bir müddət ərzində müsbət nəticə ola bilər".

İlk olaraq İqtisadiyyat nazirliyindən cavab gəldi, yazdılar ki məktubunuz baxılmaq üçün "Azərbaycan Sənaye Korporasiyası" ASC-yə göndərilmişdir. Korporasiyadan cavab verildi ki, hələ fikirləşirik, bəlkə mahlıc verdik, bəlkə vermədik. 

Martın 26-da isə Bərdədə təşkil olunmuş pambıqçılığın inkişafına dair respublika müşavirəsində Prezident  İlham Əliyev "İpəkçi"nin müraciətinə müsbət cavab verdi. Cənab Prezident dedi:


Bir vacib məsələni də diqqətinizə çatdırmaq istərdim. 2018-2022-ci illəri əhatə edən strateji dövrdə yaradılmış potensial imkanlar sayəsində əsas diqqət pambıqçılıqda dəyər zəncirinin dərinləşdirilməsinə yönəldiləcəkdir. Cəmiyyət bu işi "Azərbaycan Sənaye Korporasiyası" Açıq Səhmdar Cəmiyyətinin tərkibində olan toxuculuq müəssisələri ilə tərəfdaşlıq əsasında həyata keçirəcəkdir. Artıq bu sahədə Sumqayıtdakı "ASK Tekstil" və "Şəki İpək" müəssisələri ilə real işə başlanılıb. Emaldan alınan mahlıcın 2600 tonu "ASK Tekstil" və 1209 tonu isə "Şəki İpək" Açıq Səhmdar cəmiyyətlərinə veriləcəkdir ki, bu da həmin müəssisələrə verilən mahlıcdan iplik istehsal edilərək, daha uyğun qiymətə Türkiyə Respublikasına və Rusiya Federasiyasına satılacaqdır. Bu da öz növbəsində, həmin müəssisələrdə yeni iş yerlərinin açılması deməkdir.

1-10 of 202